லெப்பை ராவுத்தர் எல்லாம் இஸ்லாமிய சாதியில் சேராதா?

// லெப்பை, தக்கினி முஸ்லிம், மரைக்காயர், ராவுத்தர், மாப்பிள்ளை, பட்டாணி, (பத்ஹான்கான்) காக்கா, சேட், சையது, ஷேக், பீர், தாவூத், அன்சாரி, நவாப் உள்ளிட்ட முஸ்லிம்கள் பிற்படுத்தப்பட்டவர்களின் பட்டியலைச் சேர்ந்தவர்கள். //

//இதற்கு என்ன பதில் Nazeer Ahamed// - Ram nivas

நீங்கள் குறிப்பிட்டுள்ள இந்த சாதி பெயர்கள் அனைத்தும் அரபு நாடுகளில் பார்க்க முடியாது. இந்து மதத்தின் வர்ணாசிரமத்தை சட்டமாகக் கொண்ட இந்தியாவில்தான் பார்க்க முடியும். முன்பு இந்தியாவோடு சேர்ந்து இருந்ததால் பாகிஸ்தான், பங்களாதேஷிலும் கூட இந்தக் கூத்துக்களை பார்க்க முடியும்.

இஸ்லாமிய வேத நுலான குர்ஆனிலோ அல்லது அதற்கு விளக்கவுரையாக அமைந்த நபி மொழிகளிலோ இவற்றை பார்க்க முடியாது. இந்திய அரசியல் சட்டம் வேலை வாய்ப்புகளில் சிலரை அவர்களாகவே பிற்படுத்தப்பட்டவர்கள் பட்டியலில் சேர்த்துக் கொண்டனர். இந்திய அரசியல் சட்டம் உலக முஸ்லிம்களை கட்டுப்படுத்தாது. இஸ்லாம் என்பது உலகம் தழுவிய மார்க்கம் என்பதை நீங்கள் எப்பொதுதான் உணரப் போகிறீர்களோ தெரியவில்லை.

மனிதர்களே! உங்களை ஓர் ஆண் - பெண்ணிலிருந்தே நாம் படைத்தோம். நீங்கள் ஒருவரையொருவர் அறிந்து கொள்வதற்காக உங்களை கிளைகளாகவும், கோத்திரங்களாகவும் ஆக்கினோம். உங்களில் (இறைவனை) அதிகம் அஞ்சுவோரே அல்லாஹ்விடம் அதிகம் சிறந்தவர். அல்லாஹ் அறிந்தவன். - (அல்குர்ஆன் 49:13)

மனிதர்களே! உங்களை ஒரே ஒருவரிலிருந்து படைத்த உங்கள் இறைவனை அஞ்சுங்கள். அவரிலிருந்து அவரது துணையை படைத்தான். அவ்விருவரிலிருந்து ஏராளமான ஆண்களையும், பெண்களையும் பல்கிப் பெருகச் செய்தான். -- (அல்குர்ஆன் 4:1)

மேற்கண்ட இறை வசனங்கள் சாதீயத்தின் ஆணி வேரையே அறுத்தெறிந்து விட்டது.

அதே நேரம் இந்து மதம் என்ன சொல்கிறது என்பதையும் பார்போம்.

“த்ருஷ்ட்வா தேவஹா பலாயதே...”என்று போகிற பாஞ்சாத்ர ஆகம ஸ்லோகம் என்ன உத்தரவிடுகிறது என்றால்...பல ஆச்சார அனுஷ்டானங்களின் அடிப்படையில் பகவானை விக்ரகங்களில் இருத்தி வைத்திருக்கிறோம்.


இந்தப் புனிதமான கோயில்களுக்குள் சூத்ரனோ, பஞ்சமனோ ஒரு அடியெடுத்து வைத்தால்கூட அனுஷ்டானங்கள் கறைபட்டு விடும். அதனால்... அந்த விக்ரகங்களில் இருந்து பகவான் ‘பட்’டென ஓடிப் போய்விடுவார்.

அதனால்... சூத்ரனோ, பஞ்சமனோ கோயிலுக்குள் பாதம் எடுத்து வைத்தால்... விக்ரகம் வெறுங்கல்லாகி விடும். பகவான் அதில் க்ஷணம் கூட தங்கமாட்டார். எனவே, அவர்களை கோயிலுக்குள் விடாதே... என்கிறது ஆஹமம்.

-thathachariyar.blogspot.sg/2010/11/27.html

எனவே இந்து மதத்தையும் இஸ்லாத்தையும் போட்டு ஒன்றாக குழப்பிக் கொள்ள வேண்டாம் ராம் நிவாஸ்