பட்டேல் முகம் வேறு முகவரி வேறு !!?

#பட்டேல்_முகம்வேறு_முகவரிவேறு !!?

#மௌலானா_அபுல்_கலாம்_ஆஸாத் எழுதிய '#இந்திய_விடுதலை_வெற்றி' என்கிற பிரபலமான புத்தகத்தில் உள்ள சுதந்திரம், பிரிவினைக்கு பிறகு நடந்த நிகழ்வுகளில் பட்டேலின் உண்மை முகம் காட்டும் வரலாற்றுத்துளிகள்.....
***********
"சர்தார்_பட்டேல் உள்துறை மந்திரி எனவே டெல்லி நிர்வாகம் நேரடியாக அவரது பார்வையில் இருந்தது. கொலை, தீயிடல் பட்டியல் நீண்டு கொண்டே போனது. காந்திஜி பட்டேலுக்குச் சொல்லியனுப்பி, இந்தக் கொலை வெறியைத் தடுத்து நிறுத்த அவர் செய்து கொண்டிருப்பது என்னவென்று கேட்டார், காந்திஜிக்கு கிடைக்கும் தகவல்கள் மிகைப்பானவை என்று சொல்லி, அவருக்கு நம்பிக்கையை உண்டு பண்ண சர்தார் பட்டேல் முயன்றார்.

உண்மையில் முஸ்லிம்கள் குறை கூறவோ பயப்படவோ காரணமே இல்லையென்று சர்தார் பட்டேல் கூறினார். காந்திஜியுடன் நாங்கள் மூவரும் உட்கார்ந்திருந்த ஒரு சந்தர்ப்பம்; எனக்குத் தெளிவாக நினைவுக்கு வருகிறது.

"டெல்லியிலுள்ள நிலைமையைத் தம்மால் சகித்துக் கொண்டிருக்க முடியவில்லை" என்று ஜவஹர்லால் ஆழ்ந்த வருத்தத்துடன் கூறினார்.

#பூனைகள்_நாய்களைப் போல டெல்லியில் முஸ்லிம் குடிமக்கள் கொல்லப்படுவதாகச் சொன்னார். தாம் அவர்களைக் காப்பாற்ற முடியாத நிராதரவான நிலையில் இருப்பதாகச் சொன்னார். மனசாட்சி அவரை உறுத்தியது. பயங்கரமான நிகழ்ச்சிகளைப் பற்றி முறையிட்டவர்களுக்குத் தாம் என்ன பதில் சொல்ல வேண்டுமென்று கேட்டார். நிலைமை சகிக்க முடியாததாக இருக்கிறது என்று அவர் பலதடவை சொன்னார். மனசாட்சி தம்மைச் சும்மாயிருக்க விடவில்லை என்றார்.

இவ்விஷயமாக சர்தார் பட்டேலின் பதில் எங்களுக்குப் பெரிதும் ஆச்சரியத்தை விளைவித்தது. பட்டப்பகலில் டெல்லியில் முஸ்லிம்கள் கொலை செய்யப்பட்டு வந்த அந்தக் காலத்தில் ஜவஹர்லாலின் குற்றச்சாட்டுகள் அடியோடு புரிந்து கொள்ள முடியாதவையாக இருக்கின்றன என்று அவர் அமைதியாக காந்திஜியிடம் தெரிவித்தார். இங்குமங்கும் தனித்தனியாக ஒரு சில நிகழ்ச்சிகள் இருந்திருக்கலாம், ஆனால் முஸ்லிம்களின் உயிர்களையும் சொத்துக்களையும் காப்பதற்காகச் சாத்தியமான எல்லா முயற்சிகளையும் அரசு எடுத்து வருகிறது என்றும், மேலும் செய்யக் கூடியது ஒன்றுமில்லையென்றும் தெரிவித்தார்.

தமது அரசு செய்து வருவதை பிரதமர் என்ற வகையில் ஜவஹர்லால் அங்கீகரிக்காது பேசுவது தமக்கு அதிர்ச்சியை அளிப்பதாக அவர் தெரிவித்தார்.

சில கணங்கள் ஜவஹர்லால் மெளனமாக இருந்தார். பின்னர் ஆயாசத்துடன் காந்திஜியை நோக்கினார். இவைதாம் சர்தார் பட்டேலின் கருத்துகளாயின் தாம் சொல்லக் கூடியது ஒன்றுமில்லை என்றார்.

இந்தச் சமயத்தில் நடந்த மற்றொரு நிகழ்ச்சி #சர்தார்_பட்டேலின் #மனப்போக்கைக்_காட்டுகிறது. ஒவ்வொரு நாளும் முஸ்லிம்கள் மீது நடந்து கொண்டிருந்த தாக்குதலுக்கு ஏதாவது சமாதானம் சொல்வது அவசியமென அவர் நினைத்திருக்கலாம்,

"நகரிலுள்ள முஸ்லிம் விடுதிகளிலிருந்து பயங்கரமான ஆயுதங்கள் கைப்பற்றப்பட்டன என்ற கூற்றை அவர் கிளப்பினார். இந்துக்களையும் சீக்கியர்களையும் தாக்குவதற்காக டெல்லி முஸ்லிம்கள் ஆயுதங்களைச் சேகரித்து வைத்திருந்தனர் என்பது அவரது தகவலில் தோன்றுகிறது. இந்துகளும் சீக்கியர்களும் முதலில் தாக்கியிராவிடில் முஸ்லிம்கள் அவர்களை அழித்து விட்டிருப்பார்கள் என்றும் அதில் தொனிக்கிறது. கரோல்பாக்கிலும், சப்ஜி மண்டியிலும் இருந்து சில ஆயுதங்களைப் போலீஸார் கைப்பற்றினர். சர்தார் பட்டேலின் கட்டளைப்படி அவை அரசின் மாளிகைக்குக் கொண்டு வரப்பட்டன.

மந்திரி சபையின் அறைக்கு எதிரேயுள்ள அறையில் எங்கள் பார்வைக்கு வைக்கப்பட்டன.. நாங்கள் எங்கள் தினசரி கூட்டத்திற்கு வந்தபோது முதலில் எதிரில் இருக்கும் அறைக்குச் சென்று கைப்பற்றப்பட்ட ஆயுதங்களைப் பார்வையிடலாமென சர்தார் பட்டேல் கூறினார்.

அங்கு மேஜை மீது #துருப்பிடித்த கத்திகள், சமையலறைக் கத்திகள், பேனாக் கத்திகள், பிடியுடனும் பிடியில்லா மலும் இருந்தன. பழைய வீடுகளின் வேலிகளிலிருந்து எடுத்த இரும்புக் கம்பிகளும் இரும்பு ஈட்டிகளும் வைக்கப்பட்டிருந்தன. சில இரும்புத் தண்ணீர்க் குழாய்களும் இருந்தன. இந்துக்களையும் சீக்கியர்களையும் அழித்து விடுவதற்காக இந்த ஆயுதங்களைத்தான் டெல்லியில் முஸ்லிம்கள் சேகரித்து வைத்திருந்தனர் என்பது சர்தார் பட்டேலின் கூற்று.

கத்திகளில் ஒன்றிரண்டை லார்ட் மவுண்ட் பாட்டன் எடுத்துப் பார்த்து புன்சிரிப்புடன், "இவற்றைக் கொண்டு டெல்லி நகரைக் கைப்பற்ற முடியுமென்று எவராவது நினைத்திருந்தால் அவர் இராணுவத் தந்திரங்களைப் பற்றி அற்புதமான கருத்துகளையுடையவர்!" என்று சொன்னார்"
***********
இப்புத்தகம் காந்தியின் படுகொலை வரை சர்தார் பட்டேலின் பங்கையும், ஆர்எஸ்எஸ் சனாதன பயங்கரவாத சக்திகள் அவருக்கு உலகில்லில்லாத சிலையை நிருவி கொண்டாடும் காரணத்தையும் புரியவைக்கிறது.

இன்றைய சூழ்நிலையில் அனைவரும் அவசியம் படிக்கவேண்டிய புத்தகம்.