இனி என்ன நடக்கும்..?

இனி என்ன நடக்கும்..?

அந்த மூன்று நாடுகளில் இருந்து முஸ்லிம் அல்லாதவர்கள் கொத்து கொத்தாக இந்தியாவுக்குள் நுழைய ஆரம்பிப்பார்கள். அவர்களை எங்கு குடியமர்த்த முடியும்.? அசாம், மேற்கு வங்கம், மணிப்பூர், திரிபுரா போன்ற கிழக்கு, வடகிழக்கு மாநிலங்கள்தான் அவர்களது நுழைவுவாயில். அவர்களை வரவேற்று உபசரிக்க வடகிழக்கு மாநில மக்கள் என்ன முட்டாள்களா.? அவர்களது இருப்புக்கு பாதிப்பு என்பதால்தான் வேறெங்கும் இல்லாத போராட்டங்கள் அந்த மாநிலங்களில் நடைபெறுகிறது.

அரசு அந்த மக்களிடம் சமாதானம் பேசி, குடியேறிகளை அங்கிருந்து பத்திரமாக வேறெங்காவது குடியமர்த்த யோசிப்பார்கள். வேறு எங்காவது என்றால் இலட்சக்கணக்கான, கோடிக்கணக்கான மக்களை குடியமர்த்த போதிய இடம், அவர்களுக்கான வேலை வாய்ப்புகள், அனைத்து அடிப்படை வசதிகளுக்கும் அரசு எங்கே போகும்.?

இருக்கவே இருக்கு தென் மாநிலங்கள். இன்றைய இந்திய சூழலில் வளத்திலும், பொருளாதாரத்திலும் தன்னிறைவு பெற்று வடக்கு, வடகிழக்கு மாநில மக்களுக்கு வேலை வாய்ப்பும், இருப்பிடமும் வழங்கி வருபவை தமிழ்நாடு, கேரளா, ஆந்திரா, கர்நாடகா, தெலுங்கானா மாநிலங்கள். மத்திய அரசு குடியேறிகளை இந்த மாநிலங்களுக்குள் வலுக்கட்டாயமாக திணித்து அவர்களை இந்திய குடிமக்களாக மாற்ற எத்தனிக்கும்.

இப்படிச் செய்வதன் மூலம் பாஜகவிற்கு நிறைய செயல்திட்டங்களை,நிறைவேற்ற முடியும். குடியேறிகளுக்கு ஏதுவாக ஒரே நாடு, ஒரே ரேசன், ஒரே அடையாளம் என்ற திட்டங்கள் ஏற்கனவே நடைமுறைப்படுத்தத் துவங்கியாகிவிட்டது. அதன் மூலம் அவர்களை தங்கள் வாக்குவங்கிகளாக மாற்றி தனது தடம் பதிக்க முடியாத தென் மாநிலங்களில் தடம் பதிக்க முடியும். இந்தி, சமஸ்கிருதத்தை அந்த மக்களை வைத்து தென் மாநிலங்களில் பிரதானப்படுத்த முடியும். மொழித் திணிப்பிற்கு இந்தி குறிப்பிட்ட சில பகுதிகளில் மட்டுமே பேசப்படுவது பெரிதும் தடையாக இருந்து வரும் சூழலில் குடியேறிகள் மூலம் அந்தத் தடை சுலபமாக உடைக்கப்படும். அத்தோடு தங்கள் பிரதான ஆயுதமாகிய மதக் கலஙரங்களுக்கு அந்த மக்களை பயன்படுத்திக் கொள்வதன் மூலம் உத்திர பிரதேசங்களாக தென் மாநிலங்கள் உருமாறும்.

இப்படி ஒரே கல்லில் பல மாங்காய்கள் அடிக்கும் இந்த குடியுரிமை திருத்த மசோதா.

ஆனால் வடக்கு, வடகிழக்கு மாநிலங்கள் வழியே உள் நுழையும் மக்கள் தென் மாநிலங்களை அடைவதற்குள் பல உயிர்களை பலி கொடுக்க நேரும் அவலங்களும் அரங்கேற வாய்ப்பிருக்கிறது.

எத்தனை ஆபத்தான ஒரு மசோதாவை பாசிச அரசு இத்தனை சர்வாதிகாரத்துடன் நிறைவேற்ற இருக்கிறது.