லிங்காயத்துகள் இந்துக்கள் இல்லையாம்! போராடுகிறார்கள்.

இந்த வாரத்தின் மிக கவனிக்கத்தக்க செய்தி என்றால் அது இது தான். கர்நாடகத்தின் தனி பெரும் சமூகமான லிங்காயத்துகள், தங்களை ஹிந்து மதத்தின் ஒரு அங்கமாக பார்க்காமல், தனி மதமாக அங்கீகரிக்க வேண்டும் என்று மிகப்பெரும் போராட்டத்தை நடத்திக் காட்டியிருக்கின்றனர். சுமார் இரண்டு லட்சம் பேர் பங்குக்கொண்ட இந்த போராட்டத்தில் அச்சமூகத்தை சார்ந்த பல மடாதிபதிகளும் கலந்துக்கொண்டிருக்கின்றனர். பனிரெண்டாம் நூற்றாண்டை சேர்ந்த சமூக சீர்திருத்தவாதியான பசவன்னாவால், சாதிய மற்றும் மூட நம்பிக்கைகளுக்கு எதிராக தோற்றுவிக்கப்பட்டதே தங்கள் சமயம் என்று கூறும் இவர்கள், தங்கள் மதத்தின் தன்மைகளாக பின்வருவதை குறிப்பிடுகின்றனர்.

தங்களின் மதம் 'லிங்காயத்' என்று அழைக்கப்பட வேண்டும். தாங்கள் தீவிர ஓரிறை வழிபாட்டாளர்கள், தங்களின் கடவுள் பெயர் சிவன், சிவன் என்றவுடன் இந்து மத கோவில்களில் இருக்கும் உருவங்களுடன் தொடர்புப்படுத்த கூடாது, அகிலத்தை படைத்து பாதுகாக்கும் ஆற்றலையே சிவன் என்று குறிப்பிடுகிறோம், தங்கள் சமயத்தில் உருவ வழிபாடு கிடையாது, நெருப்பு வழிபாடு கிடையாது, சாதிய வேறுபாடுகள் கிடையாது. இப்படியாக தங்கள் சமயம் குறித்த இவர்களின் விவரிப்பு தொடர்கிறது.

இந்த போராட்டத்தை கண்டு மிரண்டு போன கர்நாடக அரசாங்கம், இந்த கோரிக்கை குறித்து லிங்காயத்து சமூக மக்களிடம் கருத்தொற்றுமை இருந்தால், தனி மதமாக லிங்காயத்துகளை அறிவிக்க மத்திய அரசிடம் பரிந்துரைப்போம் என்று கூறியுள்ளது. கடந்த மக்கள் தொகை கணக்கெடுப்பில், மதம் என்ற இடத்தில் 'லிங்காயத்' என்று பலர் குறிப்பிட்டிருந்தது இங்கே குறிப்பிடத்தக்கது.

படம்: போராட்டத்தின் ஒரு பகுதி.

தகவல் உதவி

ஆஷிக் அஹமத்

மோடிக்களும் அமீத்ஷாக்களும் இந்துத்வா கொள்கைகளை அதிகம் புகுத்தினால் மற்ற சாதியினரும் தங்களை இந்து மதத்திலிருந்து பிரித்துக் கொள்வார்கள். கடைசியில் மிஞ்சப் போவது பார்பனர்கள் மட்டுமே....