அதிமுக, பாமக, பாஜக, நண்பர்கள் வாயைத் திறந்து பதில் சொல்வார்களா

Akila Ramakrishnan..பதிவு..

பொள்ளாச்சியில் 200 பெண்களுக்கு மேல் (காவல்துறை கணக்கு) ஆபாச படமெடுத்து மிரட்டி பணம் பறித்த, அவர்களை மீண்டும் மீண்டும் பாலியல் வன்முறைக்கு உள்ளாக்கிய கும்பலின் கிளையிலிருந்து வேர் வரை அதிமுக தொடர்பு அப்பட்டமாக தெரிகிறது ஆனால் காவல் துறையும், வழக்கம் போல் பெரும்பான்மையான ஊடகங்களும் பெட்டி செய்தி அளவில் கடந்து போகின்றனர்.

இதில் ரத்தத்தை உறைய வைக்கும் கொடுமை, கடந்த ஓராண்டில் மட்டும் பொள்ளாச்சி சுற்றுவட்டாரத்தில் 7 இளம் பெண்கள் தற்கொலை செய்துள்ளனர். இந்த தற்கொலைகள் கண்டிப்பாக இந்த கும்பலால் பாதிக்கப்பட்ட பெண்களாக இருக்கலாம். தற்கொலையே 7 என்றால், கடந்த 7 ஆண்டுகளாக செயல்படும் இந்த கும்பலின் கொடுமைகள் இதுவரை வெளியே தெரியாமல் இருந்ததற்கு பின்னால் பல கொலைகள் கூட நடந்திருக்க வாய்ப்புண்டு.

இதில் சிபிஐ விசாரணை நடந்தால் மிக பெரிய நெட்வேர்க்கும், பல அரசியல் தலைகளும் உருளும். பல பெண்கள் எதிர்காலத்தில் காப்பாற்றப்படுவார்கள். ஆனால் இதையெல்லாம் இந்த அரசு செய்யுமென்று நம்புமளவுக்கு நாம் முட்டாள்களில்லை.ஏதோ ஒரு ஊரில் நடந்த சம்பவமென்று கடந்து செல்லாமல் நம் வீட்டிலும் பெண்களும், குழந்தைகளும் இருக்கிறார்கள் என்ற எண்ணத்தோடு,

இது போன்று அயோக்கியர்கள் உருவாகாமல் இருக்க, இந்த வழக்கில் நேர்மையான விசாரணையை உறுதி செய்ய நாம் தான் அரசுக்கு அழுத்தம் கொடுக்க வேண்டும்.

மீண்டும் சொல்கிறேன் இது சாதாரண கடந்து போகின்ற குற்றமல்ல, பல பெண்களை, குடும்பங்களை நாசமாக்கும் குற்றம்..