அன்பு ராஜூக்கு சுவனப்பிரியனின் பதில்....

//இந்து முன்னணி போன்ற அமைப்புகள் ”இந்து” என்ற கருத்தை முன் வைத்து மக்களை ஒருங்கினைக்க ஒற்றுமை படுத்த தொந்தரவு செய்ய வேண்டும்.
ஏதோ படுபாவமான காரியம் என்பதுபோல் கருத்துக்களை பதிவு செய்ய வேண்டும்.

தாங்கள் மட்டும் பாக்கிஸ்தான் நாட்டுக்காரனிடம் இசுலாம் என்ற கருத்தின் அடிப்படையில் உறவாட ஒன்றாய் விருந்து உண்ண வேண்டும். // - அன்பு ராஜ்

------------------------------------------------------
சுவனப்பிரியனின் பதில்:

மீண்டும் தவறான புரிதல்...

இந்து முண்ணனி, ஆர்எஸ்எஸ் போன்றவை எந்த வகையில் இந்துக்களை ஒன்றிணைக்கிறார்கள்? இஸ்லாமியர்களை ஒழிக்க வேண்டும்: இஸ்லாமியர்களின் சொத்தக்களை சூறையாட வேண்டும்: இஸ்லாமியர்களை கொல்ல வேண்டும் என்ற நோக்கத்திற்காக மட்டுமே இந்துக்களை ஒன்றிணைக்கிறார்கள்.

அதே ஆர்எஸ்எஸ் தலித்களையும் பார்பனர்களையும் ஒன்றாக ஒரே தட்டில் அமர்ந்து சாப்பிட சொல்ல முடியுமா? ஒரு தலித்துக்கு அக்ரஹாரத்தில் வீடு கொடுத்து விடுவார்களா? ஒரு பார்பனர் ஒரு தலித்துக்கு தனது மகனையோ மகளையோ மனமுவந்து திருமணம் முடித்துக் கொடுப்பாரா? இதற்கு ஆர்எஸ்எஸ் உதவ முன் வருமா? ஒற்றுமை என்பது இவ்வாறு வந்தால்தான் இந்து மதம் வளர்ச்சியுறும்.

கிருபானந்த வாரியாரும், குன்றக்குடி அடிகளாரும் உண்மையான ஈடுபாட்டோடு இந்து மதத்தை வளர்க்க பாடுபட்டார்கள். ஆனால் ராம கோபாலனோ, ஹெச்.ராஜாவோ தங்களின் பார்பன ஆதிக்கம் வெளிப்பட்டு; விடக் கூடாது என்பதற்காக இந்து முஸ்லிம் கலவரத்தை தூண்டப் பார்க்கிறார்கள். இரண்டுக்கும் நிறைய வித்தியாசம் உண்டு.

பிராமணனும், சூத்திரனும் ஒன்றுதான். பேதப்படுத்தும் மனு தர்மத்தை கொளுத்தி போடுவோம் என்று ஆர்எஸ்எஸ் சொல்லுமா? ஒருக்காலும் சொல்ல மாட்டார்கள். இவ்வாறு வேதங்களிலேயே பேதங்களை வைத்துக் கொண்டு இந்து ஒற்றுமை பற்றி பேசி என்ன பயன்?

இந்த வருடம் திருப்பூரில் சில நாட்களுக்கு முன் விநாயக சதுர்த்திக்கு ஒரு துணி ஆலையில் சென்று நன்கொடை 10000 கேட்டுள்ளனர். அதனை நிர்வாகம் தர மறுக்கவே மறு நாள் அந்த நிறுவனம் இந்து முண்ணனி அமைப்பினரால் தாக்கப்பட்டுள்ளது. பாதிப்படைந்தது ஒரு இந்து. உண்மையான ஆன்மீக வாதி நன்கொடை தரவில்லை என்பதற்காக தாக்குவானா? அவர்களின் குறிக்கோள் பக்தி அல்ல: அதை வைத்து பணம் சம்பாதிக்க வேண்டும். இந்நிலையில் இந்து மதம் எப்படி வளரும்?

இதெல்லாம் வாழ்நாள் பார்பன அடிமையான அன்பு ராஜூக்கு விளங்கப் போவதில்லை. ஆர்எஸ்எஸ் என்ன ஷாகாவில் என்ன சொல்லிக் கொடுத்ததோ அதை அப்படியே ஒப்புவிக்கும் பரிதாபத்திற்குரிய ஜீவன். அவரை அவர் போக்கிலேயே விட்டு விடுவோம்.