சிலையை உடைக்கும் இவனுக்கு அம்பேத்காரின் வரலாறு தெரியுமா?

சிலையை உடைக்கும் இவனுக்கு அம்பேத்காரின் வரலாறு தெரியுமா?

1938 பிப்ரவரியில் மன்மத் நகரில் ரயில்வேயில் பணியாற்றும் ஒடுக்கப்பட்ட வகுப்பினரின் மாநாட்டுக்கு தலைமை வகித்து அவர் ஆற்றிய உரை இன்றைக்கும் பல்வேறு அம்சங்களில் பொருத்தப்பாடு கொண்டது. 'என்னைப் பொறுத்தவரை இந்நாட்டுத் தொழிலாளர்கள் இரண்டு பகைவர்களோடு போராட வேண்டியுள்ளது. ஒன்று - பார்பனியம், இரண்டு- முதலாளித்துவம்' என்று அறிவித்தோடு 'சுதந்திரம் சமத்துவம் சகோதரத்துவம் என்பதன் எதிர்மறைதான்பார்பனியம்' என்று முழங்கினார்...

ஆனால் இன்றோ வேதாரணியத்தில் ஒடுக்கப்பட்ட மக்கள் அம்பேத்காரின் சிலையை உடைக்கும் கொடுமையை பார்க்கிறோம். தலித்களையும், ஒடுக்கப்பட்ட மக்களையும் மோதவிட்டு வேடிக்கை பார்த்து மேலே அதிகாரத்தில் அமர்ந்து கொண்டு எள்ளி நகையாடுகிறது பார்பனியம். எந்த மக்களின் முன்னேற்றத்துக்காக அம்பேத்கார் உழைத்தாரோ அந்த மக்களை கொண்டே அம்பேத்கார் சிலையை உடைக்க வைக்கிறதே அங்குதான் வெற்றி பெறுகிறது பார்பனியம்.

சூத்திர பெண்கள் மார்பில் சேலை கட்டக் கூடாது, காலில் செருப்பணியக் கூடாது, குளத்தில் தண்ணீர் அருந்தக் கூடாது, பள்ளி சென்று கல்வி பயிலக் கூடாது, அக்ரஹாரத்துக்குள் நுழையக் கூடாது, இந்து மத வேதங்களை படித்தால் ஈயத்தை காய்ச்சி ஊற்ற வேண்டும், உணவகங்களில் தனி குவளை என்றெல்லாம் தலித் மற்றும் பிற்படுத்தப்பட்ட மக்களை மிருகங்களை விட கேவலமாக நடத்தியது பார்பனியம். அம்பேத்காரும் பெரியாரும் தங்கள் உயிரை பணயம் வைத்து சீர்திருத்தங்களை கொண்டு வந்தனர். அந்த வரலாறுகளை எல்லாம் படித்திருந்தால் இந்த இளைஞர்கள் அம்பேத்காருக்கு எதிராக கிளம்புவார்களா? இன்னும் எத்தனை காலத்துக்குத்தான் பார்பன அடிமைகளாகவே வாழ்வை ஓட்ட உத்தேசம்?