தமிழர்களைப் பார்த்து கோபப்படுகிறார் பழ கருப்பையா!

"நாங்கள் இந்துக்கள் இல்லை... எங்களை ஏன் இந்துவாக ஆக்கினீர்கள்? நாங்கள் சிந்து சமவெளி நாகரிகத்துக்கு சொந்தமானவர்கள்.

பாரதத்தாய் என்று பாரதி தவறாக பாடினான். நாங்கள் தமிழ்த்தாய்க்கு பிறந்தவர்கள். எங்களை பாரதத்தாயோடு தேவையில்லாமல் முடிச்சு போடாதீர்கள்.

இந்து அற நிலையத் துறை என்று ஏன் பெயர் வைக்க வேண்டும்? திராவிட சமயங்களின் அறநிலையத் துறை என்றல்லவா இருக்க வேண்டும்? இவ்வாறு இந்து என்று பெயர் வைத்துக் கொண்டு இந்துத்வாவை எப்படி எதிர் கொள்ளப் போகிறீர்கள்?

அமெரிக்கா சென்று விட்டு திரும்பிய விவேகானந்தர் திருவனந்தபுரத்தில் இந்து மத பெருமைகளைப் பற்றி பேசுகிறார். அப்போது ஒரு குரல் 'நாங்கள் இந்துக்கள் அல்ல' என்று ஒலிக்கிறது. 'யாரது?' என்று கேட்கிறார் விவேகானந்தர். 'ஆம் நாங்கள் இந்துக்கள் அல்ல. எங்கள் மதம் சைவ மதம். எங்களுக்கென்று தனி மதம் உண்டு' என்கிறது அந்த குரல். அந்த குரலுக்குரியவர் மனோன் மணியம் சுந்தரம் பிள்ளை. இதனால் அதிர்ச்சியடைந்த விவேகானந்தர் அதோடு கூட்டத்தை முடித்துக் கொண்டு திரும்பி சென்று விட்டார்."

இதைப் பற்றியெல்லாம் சிந்திக்காத தமிழர்களைப் பார்த்து கோபப்படுகிறார் பழ கருப்பையா!