எந்த முகத்தோடு பாகிஸ்தானுக்கு அறிவுரை சொல்ல நமது நாடு முயல்கிறது?

பாகிஸ்தானின் லாகூரில் நவ்லாஹா பஜாரில் பிரசித்தி பெற்ற ஷாஹிதி அஸ்தான் என்ற பிரசித்தி பெற்ற குருத்துவாரா உள்ளது. சீக்கியர்களின் புனித தலமாக கருதப்படும் இந்த இடத்தில் மஸ்ஜித் ஷாஹித் கஞ்ச் என்ற மசூதி உள்ளது.

எனவே பிரசித்தி பெற்ற குருத்துவாரா, மசூதிக்கு சொந்தமானது எனவும், அங்கு குருத்துவாராவை மசூதியாக மாற்ற ஏற்பாடு நடந்து வருவதாக புகார் எழுந்தது. இதற்கு இந்தியா கடும் கண்டனம் தெரிவித்துள்ளது.

இதற்கு முன்பு பூட்டிக் கிடந்த பல குருத்வாராக்களை சீக்கியர்களிடம் ஒப்படைத்துள்ளது இம்ரான் கான் அரசு. தற்போதய அரசு மிக சிறப்பாக மாற்று மதத்தவர்களை நடத்துவதாக அங்குள்ள இந்து கிருத்தவர்கள் சீக்கியர்கள் சொல்வதை நாம் காணொளியாகவே பார்த்தோம்.

அது முஸ்லிம்களுக்கு சொந்தமானதா அல்லது சீக்கியர்களுக்கு சொந்தமானதா என்பதை அந்த நாட்டு அரசும், நீதிமன்றமும் மக்களும் முடிவு செய்து கொள்வர். இதில் நமது நாடு ஏன் மூக்கை நுழைக்க வேண்டும்?

ஏற்கெனவே பாபரி பள்ளியை அநியாயமாக பிடுங்கிக் கொண்டீர்கள். ராமர் பிறந்ததற்கான எந்த ஆதாரமும் இல்லை. இந்துக்களிடமிருந்து பிடுங்கி பள்ளி கட்டியதாகவும் எந்த ஆவணமும் இல்லை. பெரும்பான்மை மக்கள் விரும்புகிறார்கள் என்பதாலேயே அநியாய தீர்ப்பை சொல்ல வைத்தது மோடி அரசு. நாட்டில் அமைதி நிலவட்டும் என்பதற்காக முஸ்லிம்களும் அதிக எதிர்ப்பை தெரிவிக்கவில்லை. வரும் ஐந்தாம் தேதி கள்ளத்தனமாக கைப்பற்றப்பட்ட பாபரி பள்ளி இருந்த இடத்தில் ராமர் கோவில் கட்ட மோடி அடிக்கல் நாட்ட செல்கிறார்.

இத்தனை அநியாயங்களையும் செய்து விட்டு எந்த முகத்தோடு பாகிஸ்தானுக்கு அறிவுரை சொல்ல நமது நாடு முயல்கிறது? கொஞ்சமாவது வெட்கம் வேண்டாமா?