காவல் துறையினரையும் கவர்ந்த இறைவேதம் குர்ஆன்!

காவல் துறையினரையும் கவர்ந்த இறைவேதம் குர்ஆன்!

சென்ற ஞாயிறன்று இஸ்லாமிய சகோதரர்கள் மாற்று மத நண்பர்களுக்காக இஸ்லாமிய புத்தகங்களையும் சிடிக்களையும் தமிழ் குர்ஆன்களையும் இலவசமாக கொடுத்துக் கொண்டிருந்தனர்.

திடீரென காவல் துறையை சார்ந்த ஒரு இந்து சகோதரர் 'எனது மகள் இஸ்லாத்தை ஏற்றுக் கொண்டுள்ளார். அவருக்கு தமிழில் குர்ஆன் தர முடியுமா?' என்று கேட்கவும் நம் சகோதரர்கள் நெகிழ்ந்து விட்டனர். உடனே அவருக்கு தமிழ் குர்ஆன் பரிசளித்து விட்டு ……..

'உங்கள் மகள் மட்டும் இஸ்லாத்தை ஏற்றால் போதுமா? நீங்கள் அந்த நேர் வழியைப் பெற வேண்டாமா? இந்த குர்ஆனை நீங்களும் படித்து தெளிவு பெறுங்கள்' என்று கூறியுள்ளனர்.

'கண்டிப்பாக நானும் படிக்கிறேன்' என்று சொல்லி விட்டு தமிழ் குர்ஆனை அந்த காவல் துறை சகோதரர் வாங்கிச் சென்றுள்ளார். கண்டிப்பாக அவரது மகளின் பிரசாரத்தால் தூய இஸ்லாத்தை ஏற்றுக் கொண்டு விடுவார். அந்த காவல்துறை சகோதரர் ஆர்வமுடன் குர்ஆனை வாங்கிச் செல்வதைத்தான் நாம் பார்க்கிறோம். அந்த காவல் துறை சகோதரருக்காக நேர் வழி பெற நாமும் பிரார்த்தனை செய்வோம்.

ஃப்ரான்ஸில் நடந்த துப்பாக்கிச் சூட்டைக் காரணம் காட்டி இஸ்லாத்தின் நம்பிக்கையை தகர்த்து விட யூதர்கள் பலவாறாக உலகமெங்கும் முயற்சி செய்து வருகின்றனர். ஆனால் உலகம் முழுக்க தாங்களாகவே இஸ்லாத்தில் தங்களை இணைத்துக் கொள்ளும் மக்கள் முன்பை விட அதிகமாகவே இருக்கின்றனர்.

எல்லா புகழும் இறைவனுக்கே!

இறைவன் கூறுகிறான்...

'காலத்தின் மீது சத்தியமாக! மனிதன் நஷ்டத்தில் இருக்கிறான். நம்பிக்கை கொண்டு நல்லறங்கள் செய்வோரையும், உண்மையைப் போதித்து பொறுமையையும் போதித்துக் கொள்வோரையும் தவிர'
-குர்ஆன் 103:1,2,3

நாம் உண்மையை மற்றவருக்கு எடுத்துக் கூறுவதோடு பொறுமையையும் கையாளச் சொல்லி இறைவன் நமக்கு கட்டளையிடுகிறான். ஆனால் நம் இஸ்லாமியரிடத்தில் இந்த பொறுமை மட்டும் எப்படியோ காணாமல் போய் விடுகிறது. மாற்று மதத்தவர்கள் கொஞ்சம் வித்தியாசமாக ஏதேனும் கேட்டு விட்டால் 'அவன், இவன்' என்று அவர்களை இகழ ஆரம்பித்து விடுகின்றனர். நரகல் நடையில் எழுதவும் ஆரம்பித்து விடுகின்றனர்.

இது நபி வழி அல்ல. இஸ்லாம் நமக்கு இந்த முறையையும் போதிக்கவில்லை. அவர்கள் கேட்கும் அனைத்து கேள்விகளுக்கும் நம்மிடம் பதில் உண்டு. பொறுமைதான் வேண்டும். உங்களுக்கு பதில் தெரியவில்லை என்றால் தெரிந்தவர்களுக்கு டேக் செய்து விளக்கத்தைக் கேட்டு அவர்களுக்கு அழகிய முறையில் இஸ்லாத்தை எடுத்து வையுங்கள். இறைவன் உங்களையும் என்னையும் நேர் வழியில் செலுத்துனாக! பொறுமையாளர்களாக ஆக்குவானாக!