லாஹூர் கவர்னர் ஹவுஸில் நேற்று இம்ரான்கான் ஆற்றிய உரை!

சீக்கிய சிறுபான்மை மக்கள் முன்னிலையில் லாஹூர் கவர்னர் ஹவுஸில் நேற்று இம்ரான்கான் ஆற்றிய உரை!

'அளவற்ற அருளாளனும் நிகரற்ற அன்புடையோனுமாகிய எல்லாம் வல்ல இறைவனின் திருநாமத்தால் ஆரம்பம் செய்கிறேன்....

உலகெங்கிலுமிருந்து வருகை புரிந்துள்ள சீக்கிய சமூகத்தினரை வரவேற்கிறேன். நீங்கள் அனைவரும் பாகிஸ்தான் சுலபமாக வந்து செல்ல மல்டிபிள் விஷாவுக்கு ஏற்பாடு செய்கிறோம்.. அதே போல் பாகிஸ்தானில் உள்ள சீக்கியர்கள் இந்தியாவுக்கு சென்று வரவும் மல்டிபிள் விஷா ஏற்பாடு செய்கிறோம். ஒரு சில சிக்கல்கள் தற்போது உள்ளதால் காலதாமதமாகிறது. கூடிய விரைவிலேயே அனைத்தும் சரியாகும். மதத்தின் பெயரால் இனத்தின் பெயரால் ஏற்படும் வன்மங்களை குறைக்க முயற்சிப்போம்.

எனது தாய் தந்தை இந்தியாவில் பிறந்தவர்கள். நான் பாகிஸ்தானில் பிறந்தேன். நாடு விடுதலை அடைந்தபோது எவ்வளவு கொடூரங்கள் அரங்கேற்றப்பட்டது என்பதை சிறு வயதிலிருந்தே சொல்லக் கேள்விப்பட்டுள்ளேன். நான் பெரியவனாகி கிரிக்கெட் விளையாட இந்தியா சென்ற போது நான் நினைத்த இந்தியாவாக இல்லை. அந்த மக்கள் மிக அன்பாக என்னிடம் பழகினர். அன்பாக எங்கள் டீமை உபசரித்தனர். இந்தியா முழுக்க இந்த நிலையை நான் கண்டேன். ஆனால் தற்போது அரசியல் மாற்றங்களினால் அந்த நிலை இந்தியாவில் இல்லை.

எந்த ஒரு பிர்சனையும் போரினாலோ வன்முறையினாலோ தீர்த்து விட முடியாது. வன்முறையினால் ஒன்று முடிவுக்கு வந்தால் நான்கு பிரச்னைகள் புதிதாக உருவாகும். எனவேதான் நான் பிரதமராக பதவியேற்றவுடன் இந்தியாவோடு நட்பு பாராட்ட விரும்பினேன். ஆனால் இந்தியாவிடமிருந்து சாதகமான பதில் வரவில்லை.

இறைவன் உலக மக்கள் அனைவருக்கும் தூதர்களையும் இறை வேதங்களையும் அனுப்பியுள்ளான். அனைத்து தூதர்களும் முதலில் போதித்தது மனிதர்களிடம் இரக்கம் காட்டுதல்: அடுத்து எவருக்கும் வளைந்து கொடுக்காத நீதி. உலகில் உள்ள எல்லா மதங்களும் இதனைத்தான் போதிக்கின்றன. ஒரு முஸ்லிம் மற்ற மதத்தினரை கொடுமை படுத்தினாலோ கட்டாய மத மாற்றம் செய்தாலோ அவன் இஸ்லாத்துக்கு விரோதமாக செயல்படுகிறான். நபிகள் நாயகத்துக்கு எதிராக வேலை செய்கிறான். முஹமது அலி ஜின்னாவும் சுதந்திரத்தின்போது அனைத்து மதத்தினரும் தங்களின் மத கடமைகளை சர்வ சுதந்திரமாக பின்பற்றலாம் என்றுதான் பிரகடனம் செய்தார்.

ஆனால் இன்று அழகிய இந்தியா ஆர்எஸ்எஸ் சிந்தாந்தவாதிகளால் சின்னாபின்னப்படுகிறது. மாட்டுக் கறி வைத்திருப்பதால் கூட உயிர்களை எடுக்கிறார்கள். இந்து மதத்துக்கே இது விரோதமானது என்பதை ஏனோ அவர்கள் உணர்வதில்லை. ஹிட்லரின் பாசிச கொள்கையை கடன் வாங்கி தங்களின் சிந்தாந்தை நிறுவ முயற்சிக்கின்றனர்.

சீக்கியர்களாகிய உங்களுக்கு சர்வ சுதந்திரத்தையும் நாங்கள் தருகிறோம். உங்களின் வழிபாடுகளுக்கு எந்த தடைகளும் இங்கு கிடையாது. உங்களின் கொண்டாட்டங்களில் நாங்களும் பங்கு கொள்கிறோம்' என்ற ரீதியில் தனது பேச்சை தொடர்ந்தார் இம்ரான்கான்....

பல இன மத மக்கள் வாழும் ஒரு நாட்டின் தலைவர் இவ்வாறுதான் அனைத்து மக்களையும் அனைத்து செல்பவராக இருக்க வேண்டும். பாகிஸ்தான் சிறந்த தலைவரை பெற்றுள்ளது. இந்தியாவுடன் உள்ள முறுகல் நிலையை கூடிய விரைவிலேயே முடிவுக்கு கொண்டு வந்து பிராந்தியத்தில் அமைதி நிலவ முயற்சி எடுப்பாராக... இவரது முன் முயற்சிக்கு நமது நாட்டு தலைவர்களும் ஆதரவு கரம் நீட்டுவார்களாக!