உலகம் என்பது இவ்வளவுதான் - சுஷ்மா ஸ்வராஜ்

உலகம் என்பது இவ்வளவுதான். இனி ஆறடி நிலம்தான் இவருக்கு சொந்தம். காஷ்மீரில் ஒரு இஞ்ச் இடத்தையாவது வளைத்து போட வேண்டும் என்று பதிவிடும் ராகவன்கள் யோசிக்க வேண்டும். மோடிக்களும் அமித்ஷாக்களும் ஆதித்யநாத்களும் சிந்திக்க வேண்டும். 60 வயதோ... 70 வயதோ வாழும் காலங்களில் மக்களுக்கு முடிந்த வரை நன்மை செய்து விட்டு போகும் வழிக்கு புண்ணியத்தை தேடிச் செல்ல வேண்டும். அந்த உலகம்தான் நிரந்தரமானது. இந்த உலகம் ஒரு வழிப் போக்கனுக்கு உள்ள உரிமையைப் போன்றது.

சுஷ்மா ஸ்வராஜை பிரிந்து வாடும் அவரது குடும்பத்தாருக்கு எமது ஆழ்ந்த அனுதாபங்கள்.

--------------------------------------------------

இறைத்தூதர்(ஸல்) அவர்கள் என் தோளைப் பிடித்துக் கொண்டு 'உலகத்தில் நீ அந்நியனைப் போன்று, அல்லது வழிப் போக்கனைப் போன்று இரு'' என்றார்கள்.

''நீ மாலை நேரத்தை அடைந்தால் காலைவேளையை எதிர்பார்க்காதே! நீ காலை வேளையை அடைந்தால் மாலை நேரத்தை எதிர்பார்க்காதே! நீ நோய்வாய்ப்படும் நாளுக்காக உன்னுடைய ஆரோக்கியத்தில் சிறிது நேரத்தைச் செலவிடு. உன்னுடைய இறப்புக் குப் பிந்திய நாளுக்காக உன்னுடைய வாழ்நாளில் சிறிது நேரத்தைச் செலவிடு'' என்று இப்னு உமர்(ரலி) அவர்கள் கூறுவார்கள்.

நூல்: புகாரி 6416. அறிவிப்பாளர் : அப்துல்லாஹ் இப்னு உமர்(ரலி) அவர்கள்.

-------------------------------------

மனிதன் என்னுடையது , என்னுடையது என்கிறான். மனிதனே ! நீ உண்டு கழித்தவற்றையும் , உடுத்திக் கிழித்தவற்றையும் பிறருக்குக் கொடுத்து மகிழ்ந்தவற்றையும் தவிர உன்னுடையது என்று ஏதும் உண்டா ? என்று நபி (ஸல்) அவர்கள் கூறினார்கள்

அறிவிப்பவர் : அப்துல்லாஹ் பின் ஷிக்கிர் (ரழி) நூல் : முஸ்லிம்