திவாலாகிறதா இந்திய அரசு !

திவாலாகிறதா இந்திய அரசு !

டீமானிட்டைசேஷன், முட்டாள் தனமான பொருளாதார கொள்கைகள், வல்லுநர்களின் அறிவுரையையும் ஆலோசனையையும் புறக்கணித்துவிட்டு அவசரம் அவசரமாக சரியான உட்கட்டமைப்பு இல்லாமல் திணிக்கப்பட்ட ஜிஎஸ்டி வரிவிதிப்பு, பொதுமக்களின் கரங்களிலிருந்த பணத்தை வலுக்கட்டாயமாக வங்கியில் போட வைத்து அவர்களுடைய பணபுழக்கத்தை தடுத்து விட்டது, கண்மூடித்தனமான வருமான வரித்துறையின் ஆணைகள் ஆகியவற்றால் மொத்த உற்பத்தி குறைந்து அதனால் அரசுக்கு வரவேண்டிய வரியும் குறைந்தது ஆகியவற்றால் இந்திய பொருளாதாரம் அதள பாதாளத்திற்கு சென்று கொண்டிருக்கிறது.

இந்தியாவிலுள்ள வங்கிகள், அரசு பொதுத்துறை நிதி நிறுவனங்கள், தனியார் நிதி நிறுவனங்கள், வெளிநாட்டு வங்கிகள், நிதிநிறுவனங்கள் ஆகியவை இந்தியாவிற்கு கொடுத்த 25 லட்சம் கோடி ரூபாய் கடனில் முகேஷ் அம்பானி க்கு மட்டும் கொடுத்தது 3.5 லட்சம் கோடி ரூபாய். கிட்ட தட்ட 13,14 சதவிகிதம் ஆகும். இனிமேல் அம்பானிக்கு கடன் தருவதில்லை என சர்வ தேச நிதி ஆணையங்கள் அறிவித்து விட்டன.

இந்திய அரசு இந்த நிதி ஆண்டில் திரட்ட வேண்டிய தொகை 5 லட்சம் கோடி. ரிசர்வ் வங்கியில் பெற்றது 1.76 லட்சம் கோடி ரூபாய். இது போதாமல் இன்னும் ஒரு 30 ஆயிரம் கோடியை ரிசர்வ் வங்கியிலிருந்து கேட்டிருக்கிறது.

விற்கப்பட இருக்கும் அரசு நிறுவனங்கள்.

1) இந்தியன் ஏர்லைன்ஸ்
2) பாரத் பெட்ரோலியம்
3) எஸ்ஏஐ
4) பிஎஸ்என்எல்

விற்பதற்கு எண்ணிக் கொண்டிருக்கும் நிறுவனங்கள்

1) மூன்று பொதுத்துறை வங்கிகள்
2) எல்ஐசி
3) சேலம் ஸீடில் பிளாண்ட்
4) நெய்வேலி நிலக்கரி சுரங்கம்

குத்தகைக்கு தரப்போகும் அரசு நிறுவனங்கள்

1) ரயில்வே துறை
2) மெட்ரோ ரயில் நிறுவனங்கள்
3) சென்னை ஹார்பர்
4) விமான நிலையங்கள்.

தனியாருக்கு தரப்பட போகும் அரசு வேலை (PPT ) அரசு துறைகள்

1) அரசு உயர்நிலை மேநிலைப் பள்ளிகள், கல்லூரிகள்
2) அரசு மருத்துவமனைகள்.

அப்படியானால் அரசு என்னதான் செய்து கொண்டிருக்கிறது?

எந்த நாடு மனிதனை மறந்து... ஜாதி வெறியிலும், மத வெறியிலும், இன வெறியிலும் மூழ்கித் திளைக்கிறதோ... அது சுடுகாடாகி விடும் என்பதற்கு இந்தியா ஒரு சிறந்த எடுத்துக் காட்டாக திகழ்கிறது. இனியும் மோடி புராணம் பாடிக் கொண்டிருக்காமல் மக்களும் அரசும் விழழத்தெழ வேண்டும். இல்லை என்றால் மற்றொரு எத்தியோப்பியாவாக மாறும் அபாயம் நமது நாட்டுக்கு வரும். அந்நிலையிலிருந்து இறைவன் நம்மை காப்பானாக!