இஸ்லாமிய மார்க்கத்தை விடு: இல்லை என்றால் கொல்லப்படுவாய்!

இஸ்லாமிய மார்க்கத்தை விடு: இல்லை என்றால் கொல்லப்படுவாய்!

சீன கம்யூனிச அரசு உய்குர் முஸ்லிம்களை மிகக் கடுமையாக சித்தரவதை செய்து வருகிறது. உய்குர் முஸ்லிம்களின் சொந்த மண்ணை அநியாயமாக ஆக்கிரமித்துக் கொண்டு தங்களின் உளுத்துப் போன சித்தாந்தங்களை அந்த மக்கள் மேல் திணிக்கிறது. குழந்தைகளும் பெற்றோரும் தனித் தனியே பிரித்தெடுக்கப்பட்டு தனிமைச் சிறையில் அடைக்கப்பட்டு மூளை சலவை செய்யப்படுகின்றனர். பெண்கள் முக்காடு அணிய தடை விதிக்கின்றனர். குர்ஆன் ஓதுவதை தடை செய்கின்றனர்.

இஸ்லாமிய மார்க்கத்தை விட முடியாத உய்குர் முஸ்லிம்கள் அகதிகளாக துருக்கிக்கு இடம் பெயர்ந்து வருகின்றனர். சொந்த மண்ணிலிருந்து சித்தாந்தத்தை காரணமாக்கி வெளியேற்றும் கல் நெஞ்சக்காரர்களான சீன அரசை எந்த நாடும் கண்டிப்பதில்லை. ஏனெனில் பாதிப்படைவது முஸ்லிம்கள் அல்லவா?

உலகமெங்கும் பாதிப்படைவது முஸ்லிம்கள்தான்: ஆனால் நிராயுதபாணிகளாக நிற்கும் இவர்களைத்தான் உலகம் தீவிரவாதிகள் என்றும் பயங்கரவாதிகள் என்றும் அழைக்கிறது.

உலகெங்கும் முஸ்லிம்களின் வணக்க வழிபாடுகளை தடை செய்ய நினைக்கும் பாசிச அரசுகளை இறைவன் நிர்மூலமாக்குவானாக!

ஆக்கம்:
சுவனப்பிரியன்

------------------------------------------------

“நிச்சயமாக எவர்கள் மீது பாவிகள் என்று உமது இறைவனின் வாக்கு உறுதியாகிவிட்டதோ அவர்கள் நம்பிக்கை கொள்ளவே மாட்டார்கள்,
அவர்களிடம் எல்லா அத்தாட்சிகளும் வந்தாலும். நோவினை தரும் வேதனையை அவர்கள் காணும் வரை!” (அல்குர்ஆன் 10:96,97)