தீண்டத்தகாதவர்களாக எப்போது மாறுகிறார்கள் - தோழர் மதிவாணன்

தீண்டத்தகாதவர்களாக எப்போது மாறுகிறார்கள் - தோழர் மதிவாணன்

'அந்த காலத்தில் பண்ணையார்கள் தங்கள் தோட்டத்தில் வேலை செய்யும் தலித்களுக்கு செத்த மாட்டை கொடுத்து விடுவார்கள். ஆடு, கோழி இவைகளை பண்ணையார்கள் சாப்பிட்டு விட்டு இறந்த மாடுகளை தூக்கிச் செல்ல தலித்களை பணிப்பார்கள். இந்த இறந்த மாடுகளை தலித்கள் சாப்பிடுவதால்தான் அவர்களை தீண்டத்தகாதவர்கள் என்று சாதி இந்துக்கள் ஒதுக்கி வைத்தனர். எனவேதான் அம்பேத்கார் இறந்த மாட்டை சாப்பிட வேண்டாம் என்று சொன்னார் தலித்களை நோக்கி'

'ஹலால் முறை என்பது என்ன? உயிரோடு உள்ள ஆடு, மாடு, கோழி போன்றவற்றை இறைவன் பெயரைச் சொல்லி கழுத்தில் அறுத்து அதன் இரத்தத்தை வெளியேற்றுவது. இவ்வாறு இரத்தம் வெளியேற்றப்பட்டால் அந்த உயிரினத்தை ஏதேனும் நோய் தாக்கியிருந்தாலும் ரத்த்தில் சென்று விடும். அது ஆரோக்கியமானதும் சுத்தமானதும் கூட.'

'இப்போது ஒரு தலித் முஸ்லிமாக மாறினால் அவர் இறந்த மாட்டையோ, ஆட்டையோ சாப்பிட மாட்டார். சுத்தமான உணவுகளை ஹலால் முறையில் உண்ணுவதால் சமூகத்தில் இருந்த தவறான புரிதலான தீண்டத்தகாதவர் என்ற இழி சொல்லும் நீங்கி விடுவதைப் பார்க்கிறோம். இதுதான் பிஜேபியினருக்கு எரிச்சலாகிறது. இதனால்தான் ஹலால் முறையை எதிர்க்கின்றனர் இந்துத்வாவாதிகள். பன்றியை விட மாட்டை ஹெச் ராஜா போன்றவர்கள் பிரதானமாக எடுத்துக் கொள்வதன் காரணமும் இதுதான். இது நாள் வரை நமக்கு அடிமையாக இருந்தவன் இஸ்லாமியனாக மாறி சுதந்திரமானவனாக மாறுவதா? என்ற கோபத்தில்தான் அதற்கு மூல காரணமான இஸ்லாத்தின் மீது பாய்கின்றனர் பிஜேபியினர்.'

-தோழர் மதிவாணன்
காணொளி கருத்தை எழுத்து வடிவமாக்கியது சுவனப்பிரியன்