கன்ஹயா குமாரின் மகளிர் தின பேச்சு - 08-03-2016

கன்ஹயா குமார் பேச்சில் கிடைத்த சில சுவாரஸ்ய தகவல்கள்.....


"இன்று மகளிர் தினம். நமது நாட்டில் பாரத்மாதாகீ ஜே என்று சொல்பவர்களும், வந்தே மாதரம் பாடுபவர்களும் தேச பக்தர்களாக சித்தரிக்கப்படுகிறார்கள். இதனை சொல்லாதவர்கள் தேச விரோதிகளாக சித்தரிக்கப்படுகிறார்கள். நான் ஒன்று சொல்லிக் கொள்கிறேன். நமது பாரதத்தில் அம்மா மட்டுமே இல்லை. அதோடு சேர்த்து அக்கா, தங்கை போன்ற உறவுகளும் உண்டு. பாரத பெண்களுக்கு பல்வேறு கலாசார பண்பாடுகளும் தனித் தனியே உண்டு."

"ஒரு பக்கம் 'பாரத் மாதா கீ ஜே' என்று சொல்லிக் கொண்டு காஷ்மீரில் இளம் பெண்களை கற்பழிக்கிறோம். பிறகு அந்த பெண்களை கொல்கிறோம். அதே போல் குஜராத்தில் இளம் முஸ்லிம் பெண்களை கற்பழித்து கொன்றோம். உபி, பீஹார் என்று எங்கு பார்த்தாலும் தலித் மற்றும் ஆதிவாசி பெண்களை கற்பழித்து கொல்கிறோம். இத்தனையும் செய்து விட்டு 'பாரத் மாதா கீ ஜே' என்று சொல்வதில் என்ன அர்த்தம் இருக்கிறது."

"பீஹார் இளைஞன் காஷ்மீரில் நடக்கும் மனித உரிமை மீறலைப் பற்றி பேசினால் அதற்கு வேறு சாயம் பூசப்பபடுகிறது. இந்த நாட்டு மக்கள் எந்த மாநிலத்தில் நடக்கும் கொடுமைகளையும் எதிர்த்துக் கேட்கலாம். அதனை யாரும் தடை செய்ய முடியாது. நான் மட்டும் நன்றாக படித்து நல்ல உத்தியோகத்தில் அமர்ந்து நாட்டைப் பற்றி கவலையில்லாமல் ஒரு சுய நலமியாக வாழ நான் ஆசைப்படவில்லை."

"மகளிர் தின வாழ்த்துக்களை அனைவருக்கும் சொல்லிக் கொள்கிறேன்."